Pas ngjarjes tragjike, ku në banesën e tyre në fshatin Xhyrë të Librazhdit, u gjetën në gjendje të rëndë çifti Olsian dhe Rezarta Hajdari, kryeplaku i fshatit ka dhënë më shumë detaje.
Ai ka treguar se familja Hajdari ishte në gjendje të mirë ekonomike, ndërsa OIsiani punonte me kohë të pjesshme si emigrant në shtetin grek.
“Ne ishim në dasmë, shkonin kaq mirë si familje, për mua ishin shumë njerëz të mirë. Habitem të gjithë kur ndodhi kjo ngjarje sot në mëngjes. Kishin 1 vit të fejuar bashkë, s’kanë hequr akoma lulet nga shtëpia, se ka 5 ditë që kanë bërë dasmën. S’dimë çfarë të themi, nuk kanë pasur ndonjë problem ekonomik, kanë bërë dasmë të shkëlqyeshme.
Djali punonte në emigracion, vajza pa punë ka qenë, 5 ditë kishte që kishte ardhur. Kishte dy muaj që kishte ardhur nga Greqia rrinte te motra e vetë, ç’të themi ne mos të flasim para kohe. Sipas informacioneve që kam marrë ka qenë e ëma e Olsit ajo që i ka gjetur të rinjtë, ka hapur derën me forcë, çunin e kishte gjetur me shkumë në buzë, ndërsa nusen e ka gjetur gjysmë të vdekur, sa kishte arritur në spital kishte mbaruar punë”, tregoi kryeplaku.
Olsian dhe Rezarta Hajdari 27 dhe 19 vjeç ishin martuar të dielën, ndërsa duket se kishin një lidhje të fortë mes tyre./shqip
g.kosovari
