Djali i Ratko Mlladiç, i njohur ndrydhe dhe si ‘kasapi i Ballkanit’ që u dënua me burgim të përjetshëm, Darko Mlladiç, ka treguar amanetin e tij të fundit. Gazeta Ekspres shkruan se sipas Darko, Ratko është shprehur se ata duhet që ta ruanin dhe mbronin Republikën Srpska, pasi është më e rëndësishme se sa vetë ai.
“Ratko e di se çfarë mendojnë njerëzit për të. Ai thotë se Republika Srpska duhet të mbrohet dhe se nuk është i rëndësishëm ai, por mbijetesa e Republikës Srpska”, ka thënë Darko.
Më tej, djali i tij foli edhe për shëndetin e tij, ku tha se dukej mirë, por që duhet të presin dhe të shohin se si do të vazhdojë më tej.
“Ai dukej mirë kur e vizitova. Ai u mbajt nga adrenalina, ne do të shohim se si do të ndikojë e gjitha në shëndetin e tij në ditët në vijim. Njerëzit kanë parë përmes qëllimit të tyre, asnjë forcë nuk mund të detyrojë një gënjeshtër të bëhet e vërtetë dhe Ratko e di atë”, tha ai.
Mlladiç është dënuar me burgim të përjetshëm, për gjenocid ndaj boshnjakëve në Srebrenicë, kur forcat serbe të Bosnjës kanë vrarë mbi 8,000 burra dhe djem, për përndjekje të myslimanëve dhe kroatëve nga Bosnja, për terrorizim të civilëve gjatë rrethimit të Sarajevës dhe marrje peng të pjesëtarëve të misionit të huaj, UNPROFOR, gjatë luftës në Bosnje.
g.kosovari
