Vendimin e Kuvendit për t’i lënë jashtë Komisioneve dhe seancën plenare, gazetarët e konsiderojnë si tentativë për të censuruar punën e tyre.
Ata kanë dalë sot në një protestë para sallës së seancave plenare. Ata shprehen se ky është një vendim jashtë çdo logjike.
Në një njoftim dje, gazetarët kryesisht të politikës në vend u shprehën se vendimi i Byrosë së Kuvendit për të përjashtuar gazetarët e akredituar nga aksesi i komisioneve parlamentare është cenim i pastër i punës dhe lirisë së medias.
“Thirrja që ne si gazetarë i bëjmë Kuvendit të Shqipërisë është të tërhiqen nga Kuvendi. E cilësojmë të padrejtë këtë gjë. Prodhon censurë. Informimi duhet të vijojë normalisht.
Kolegët e dinë të gjithë. Është flagrante mënyra se si gazetarët janë ndaluar të raportojnë. Ne mundemi që tu drejtojme mikrofonin ligjvënësve tanë, dhe atni jemi të ndaluar. Duhet të ketë reflektim. Nëse na ndalohet edhe kjo, ç’punë ka gazetari më? Cili është roli i gazetarit. Ky vendim bien ë kundërshtim me interesin tonë dhe të mediave. Kemi qenë të pranishëm dhe e dimë se si funksionon kjo gjë, imagjino se si do të funksionojë nëse nuk jemi ne të pranishëm”, deklaruan gazetarët në nisje të seancës plenare ku pritet edhe shkarkimi i Metës.
g.kosovari
