Skuadra e Jose Mourinhos ka vazhduar me formën e lartë në ligë, duke e mposhtur si mysafir West Ham Unitedin. Në këtë fitore të Manchester Unitedit formën e lartë po e vazhdon edhe sulmuesi suedez Zlatan Ibrahimoviç, që shënoi një nga dy golat e këtij takimi që e çojnë në kuotën e 13 golave në Premier Ligë.
Vendasit mbetën me një lojtar më pak në fushë kur në minutën e 15 me karton të kuq u ndëshkua Feghouli.
Në pjesën e dytë “Djajtë e Kuq” e shfrytëzuan epërsinë e një lojtari në fushë, duke shënuar dy herë, përmes Matas e Ibrahimoviqit.
Me këtë fitore Manchester Unitedi renditet në vendin e gjashtë me 36 pikë, vetëm katër pikë larg vendit të katërt që dërgon në Ligën e Kampionëve, përgatiti Express. (b.an)
