Një aksident i rëndë me pasojë vdekjen e një personi ka ndodhur në Divjakë këtë të enjte.
Viktimë ka mbetur një person i cili udhëtonte me motor.
Shtetasi Karafil Toshkallari ka humbur kontrollin e motorit dhe ka dalë nga rruga.
Ai ka humbur jetën rrugës për në spital.
“Rreth orës 16:40, në fshatin Zharnec, Divjakë, shtetasi K.T. 46 vjeç, banues në fshatin Kashtëbardh, Lushnje, duke drejtuar motomjetin tip ‘Yinxiang’, ka dalë nga rruga. Për pasojë është dëmtuar vetë drejtuesi i motomjetit, i cili ka humbur jetën gjatë rrugës për në spitalin e Lushnjes. Grupi hetimor po punon për zbardhjen e plotë të kësaj ngjarje”, njoftoi policia lokale./a.m.
