Kanadaja u eliminua dje matematikisht nga Kupa e Botës në futboll që po zhvillohet në Katar, pas humbjes 4-1 ndaj Kroacisë, por sporti i këtij vendi do ta shënojë këtë ditë si një ditë feste.
Arsyeja është se ky vend fitoi Botërorin e tenisit për herë të parë në histori, pas triumfit në Kupën Davis.
Në finale, Kanadaja mposhti Australinë, falë fitoreve në ndeshjet teke të Shapovalov dhe Auger-Aliassime, që mundën respektivisht Kokkinakis dhe De Minaur.
Shapovalov fitoi në dy sete ndaj Kokkinakis (6-4 dhe 6-2), ndërsa Auger-Aliassime mposhti po në dy sete (6-3 dhe 6-4) De Minaur, për t’i dhënë titullin historik kanadezëve.
/a.r
