Studio Filmike Paramount ka nxjerrë trailerin për filmin e ri “Aleatë”, ku luajnë Marion Cotillard (Cotillard) dhe Brad Pitt (Pitt).
Filmi drejtohet nga Robert Zemeckis, kurse premiera është planifikuar për në 23 nëntor.
Filmi zhvillohet gjatë Luftës së Dytë Botërore, në vitin 1942 në Afrikën e Veriut, ku një anëtare e Misionit të Rezistencës Franceze, luajtur nga Cotillard do takohet me agjentin e inteligjencës, që luan Brad Pitt. Kur do të takohen përsëri në Londër në kushte të luftës, marrëdhëniet e tyre janë në provë.
Filmi doli të martën, të njëjtën ditë kur u njoftua se aktori është divorcuar me partneren e tij Angelina Jolie.
Marion Cotillard (41-vjeçe) është e njohur për rolin e saj si këngëtarja Edith Piaf në dramën muzikore biografike “La Vie en Rose”, që i solli çmimin Academy, BAFTA, Golden Globe dhe Cezarin.
Brad Pitt (53-vjeç) u bë i njohur në filmat e viteve ‘90 të shekullit të 20-të pas duke u shfaqur në disa filma të mëdhenj të Hollivudit. Ai u propozua për çmimin Oskar dhe fitoi një Golden Globe për rolin e tij në “Dymbëdhjetë majmunët”, përgatiti BETA. (b.an)
