Në ditën ndërkombëtare të mesuesve, Ministrja e Arsimit, Sportit dhe Rinisë Lindita Nikolla, ka uruar mësuesit. Ministrja Lindita Nikolli, zhvilloi një vizitë në gjimnazin “Sinan Tafaj” në Tiranë dhe më pas ju është bashkuar aktiviteteve të organizuara nga stafi pedagogjik dhe nxënësit e kësaj shkolle.
“Gëzuar Ditën Ndërkombëtare të Mësuesit, ata janë heronjtë tanë. Për mua si Ministër e Arsimit, Sportit dhe Rinisë, por edhe për shoqërinë mësuesit janë një motiv i fortë për t’i mbështetur në realizimin e misionit të tyre si përçues të dijës mes brezave”, ka theksuar ministrja e Arsimit.
Gjithashtu në fjalën e saj ministrja Nikolla vuri theksin tek angazhimi që qeveria ka marrë për rritjen e pagave të mësuesve deri në 40%:
“Mësuesit duhen mbështetur me paga ndaj jemi angazhuar për rritjen me 40% të tyre. Nuk mjafton vetëm mbyllja e 22 universiteteve kioska por duhet që fakultetet e edukimit t’i largohen kurrikulave të vjetra e të unifikohen me kurrikula të standardeve evropiane. Këto masa janë baza për një arsim cilësor. Mund të ketë shkolla të rikonstruktuara por nëse nuk investohet tek shtylla e cilësisë, pra mësuesi atëherë cilësie bie.” Dita Ndërkombëtare e Mësuesve, festohet çdo vit më 5 tetor që prej vitit 1994.
ma.me
