Dy bishtaleca, flokë me baluke dhe një fustan i shkurtër. Buzëqeshja ‘e pacipë’ duket se zbulon diçka, por ende nuk të qartësohet emri se kujt i përket. Fotoja është bardhë e zi dhe shumë nostalgjike. Si mund të ishte ndryshe kur me hyrjen e shtatorit, jo pak njerëzve u kujtohen ditët e fëmijërisë apo dita e parë e shkollës.
Kështu ka ndodhur edhe me aktoren Julia Ilirjani.
Ajo ka hapur arkivat duke ndarë në rrjetet sociale këtë foto pikërisht nga dita e parë që një fëmijë nis rrugën e dijes. Me një batutë të këndshme, Julia madje kërkon edhe falje për “breçkat” që s’ia mbulonte fustani.
Dita ime e parë e shkollës me motrën. 1 shtator (shekulli i kaluar). P.s na falni që na duken ‘breçkat’ por isha më e gjatë për moshën.
