Nga Artur Ajazi
Flet drejtori Qendrës së Artit dhe Kulturës Kliton Kapaj
Elbasani, si gjithmonë edhe kësaj here, do të jetë kryeqendra e festimeve të Ditës së Verës, ku do të mblidhen qytetarë, zanatçinj, biznesmenë, qeveritarë vendorë dhe lokalë, sportistë dhe artistë, ministra dhe deputetë, ku nuk do të mungojnë edhe figura të njohura publike nga bota. Sofra e Elbasanit- pritet të jetë risia e kësaj feste e organizuar nga Bashkia, kryetari Llatja, Qendra e Artit dhe Kulturës, me pjesëmarrjen e grupeve artistiko-kulturore dhe ansambleve nga gjithë vendi.
Parku Rinia, Universiteti, Kalaja, sheshi “Gensher”, sheshi tek “Stadiumi”, salla e madhe e Teatrit “Skampa”, parqet lulishtet dhe zonat turistike, do të jenë arena e aktiviteteve artistike dhe jo vetëm, që do të argëtojnë qytetarët dhe miqtë e ftuar dhe ata që kanë zgjedhur si çdo vit, të festojnë këtë festë popullore në kryeqendrën e saj Elbasan.
Drejtori QAK-së zoti Kliton Kapaj duke folur mbi rëndësinë dhe impenjimin e institucionit që ai drejton tha se “janë gati gjithçka kemi organizuar, kemi mbi 1 muaj që pergatitemi, janë gati orkestrat, ansamblet, grupet artistike, qarqet e Elbasanit dhe artistët e ftuar, do të organozohen nata festive, festivale, kinema të lëvizshme, kampionate futbolli, volejbolli, basketbolli, ekspozita me punime artistike për vogëlushët dhe të rriturit, do të jenë për 3 netë me rradhë, grupet më të mira nga Shqiperia , Kosova dhe Maqedonia, do të kemi emra të njohur të politikës dhe figura të njohura publike të vendit dhe Rajonit, nuk do të mungojnë kryetarë bashkish nga Ballkani, e pranishme Elita-5, apo dhe këngëtarë të njohur nga vendi dhe bota.
Do të jenë 3 nditë dhe netë festive, që si rrallë herëdo të ngrejnë peshë zemrat e elbasanasve dhe shqiptarëve, kemi gati hotelet dhe vendet e akomodimit të miqve dhe të ftuarve, ndërkohë që gjithë aktiviteti festiv, ka patur kujdesin e kryetarit të bashkisë Gledian Llatja”. Festa e madhe do të mbyllet me karnavalet e përvitshme nga nxenesit e shkollave te qytetit, dhe Ballakumja, natyrisht mbetet pas drekës së veçantë , “mbretëresha” e Ditës së Verës, ndaj mendoj dhe kam besimin se, kjo festë do të lerë mbresa të veçanta tek ata që do të vijnë qysh në datën 10 apo 11 Mars dhe do të largohen prej Elbasani pas datës 13, me kujtime të paharruara. Ju ftojmë dhe ju presim të festojmë bashkarisht”. Sipas burimeve nga komisioni organizativ i Ditës së Verës, në tre ditët e saj, Elbasanit pritet të kalojë mbi 1 milion banorë, ku padyshim kjo do të jetë një mundësi e mirë për biznesin vendas, dhe ato biznese që pritet të mbushin rrugët dhe sheshet e qytetit.
Bravo bashkia dhe qendra artit