Edhe pse nuk futet në ato qytete me nivel të lartë ndotjeje problematika mjedisore në Kukës është shqetësuese. Akumulimi më i madh i mbetjeve bëhet nga liqeni i Fierzës. Në pikun e kuotës së tij, sipërfaqja dhe brigjet janë të mbushura plot me mbetje plastike e spitalore.
Për pastrimin e liqenit u ndërmorë një aksion në ditën ndërkombëtare të tokës që sipas Abdulla Domit, koordinator i përgjithshëm i prefekturës Kukës, nuk mund të zgjidhë përfundimisht problemin e ndotjes së vazhdueshme të liqenit. Domi, thotë:
“Duhet një vëmendje më e madhe nga ministria e linjës dhe institucionet përgjegjëse për të gjetur një zgjidhje përfundimtare për ndotjen e liqenit të Fierzës”, tha Abdulla Domi, koordinator i përgjithshëm i prefekturës
Për pastrimin e brigjeve të liqenit janë angazhuar punonjës të Prefekturës ,institucioneve shtetërore e shoqata mjedisore si dhe dy motor barka të HEC-it të Fierzës me 15 forca. Në Qarkun e Kukësit janë evidentuar 65 pika të ndotura (Kukësi 30, Tropoja 22 dhe Hasi 13), me një sipërfaqe prej 10.000 m2 dhe volum 1200 m3 mbetje urbane dhe inerte.
ma.me
