Kryeministri Edi Rama ishte i ftuar në “Wake Up” në Top Channel, aty ku zbuloi disa detaje nga jeta e tij personale.
Kreu i qeverisë tregoi se si është jeta e tij e përditshme, duke nisur nga mëngjesi: “Kafeja e parë është me Lindën në ballkon, më pas vazhdoj në zyrë me dy kafe të tjera. Gjatë fushatës kalon në një regjim automatik. Linda kujdeset për zërin tim. Ndërsa janë edhe dy njerëz të tjerë që më kanë në dorë: Endri Fuga dhe shoqëruesi im Feti Zeneli. Ata më thonë zgjohu, hip, zbrit…”
Në lidhje me kritikat që merr nga kundërshtarët politikë, Rama tha: “Kam një antiplumb të padukshëm për kritikat që shkojnë te familja”.
Kryeministri Edi Rama është shumë aktiv në rrjetet sociale dhe deklaroi se kohën për t’u kthejë përgjigje atyre që i komentojnë e gjen gjatë udhëtimeve me makinë ose natën vonë./a.m.
