Sikurse pritej, ka nisur sot në 10:00 ceremonia e homazheve në Varrezat e Dëshmorëve të Atdheut në nderim të të rënëvë në luftën ndaj okupatorit nazi-fashist dhe bahskëpunëtorëve të tyre.
Të pranishëm në ceremoni ishin krerët më të lartë të shtetit, qindra qytetarë dhe përfaqësues së Organizatës së Veteranëve. Nën tingujt e muzikës funebër dhe himnit të flamurit, kryeministri Edi Rama, ministria, kreu i Bashkisë, Prefekti i Tiranës dhe veteranë kanë vendosur kurora me lule dhe janë përshëndetur me të pranishmit.
Në ceremoninë e sotme binte në sy edhe prezenca e Presidentit të Republikës, i cili është i detyruar me protokoll që të njohë datën 29 nëntor si Ditën e Çlirimit, ndryshe nga Partia Demokratike që e festoi një ditë më parë.
Mbrëmjen e sotme, në Tiranë priten një sërë aktivitetesh artistike të organizuara nga Bashkia Tiranë për të kremtuar atë që prej vitesh është shpallur si ‘Nata e Bardhë’. (javanews.al)
