Ministri i Bujqësisë, Niko Peleshi, i është bashkuar ‘Ditës Amerikane’, së bashku me ambasadorin e SHBA, Donald Lu. Peleshi dhe Lu janë bërë pjesë e këtij eventi në kujtim të emigrantëve korçare, që sipas ministrit, i dhanë Korçës një lidhje të fortë shpirtërore me Amerikën.
Duke publikuar disa fotografi nga aktiviteti në ‘Facebook”, ministri shkruan se prania e ambasadorit Lu i shtoi vlerat kësaj fundjave të veçantë.
“Dita e Amerikës-një event fantastik në kujtim të shumë emigrantëve korçarë, të vjetër dhe të rinj që i dhanë Korçës një lidhje të fortë shpirtërore me Amerikën. Ekspozimi i letrave dhe fotografive të kurbetlinjve, gatimet dhe muzika amerikane, historitë e ndara me vizitorët e shumtë nga e gjithë Shqipëria dhe sharmi i Pazarit te Vjetër, e bënë këtë fundjavë në Korçë një mrekulli. Prania e ambasadorit Lu, i shtoi vlerat kësaj fundjave te veçantë. Përgëzime Bashkisë dhe organizatës Njerëz dhe Ide. Një model për tu ndjekur. 🇦🇱🇱🇷 #Korca #PazariiVjeter”, shkruan Peleshi.
