Xhudistja kosovare, Distria Krasniqi është shpallur kampione e botës për junior në xhudo.
Ajo e ka arritur këtë sukses gjatë Kampionatit Botëror të Xhudos në Abu Dhabi, transmeton Koha.net. Krasniqi ka mposhtur në finale gjeorgjianen Mariam Janashvilli me lëvizjen ippon, duke marrë 100 pikë.
Trajneri i Distrias është shprehur jashtëzakonisht i gëzuar me faktin se për vetëm një javë, dy xhudiste të klubit të tij i sollën Kosovës dy tituj bote.
“Pas Majlinda Kelmendit, edhe Distria Krasniqi i dhuron shtetit tonë titullin e Kampiones Botërore”, ka thënë Toni Kuka, trajneri i klubit të xhudos “Ippon”.
