Ushtria irakiane dislokoi mijëra trupa, në një bazë në veri të Irakut, për të nisur operacionet përgatitore për marrjen e Mosulit, qyteti i dytë më i madh i vendit nën kontrollin e grupit xhihadist të Shtetit Islamik (ISIS), bënë sot të ditur disa zyrtarë.
“Njësitë e ushtrisë irakiane mbërritën në bazën ushtarake që shtrihet pranë rajonit të Makhmurit për të filluar operacionet e para në drejtim të Mosulit”, deklaroi për median një gjeneral i brigadës në kushte anonimati.
ISIS-i kontrollon Mosulin prej fundit të muajit qershor 2014, de facto kryeqyendra e tij në Irak, por grupi ultraradikal ka pësuar disa dështime ushtarake në 2015 përballë forcave të sigurisë irakiane të mbështetura nga sulmet e koalicionit ndërkombëtar të kryesuara nga SHBA-ja.
“Aktualisht, tre brigada janë pozicionuar në këtë bazë me kapacitet akomodimi në të ardhmen deri në 4500 ushtarë”, shtoi zyrtari.