Komisioni i Disiplinës në Federatën Shqiptare të Futbollit ka publikuar vendimet e marra për shkeljet dhe parregullsitë e konstatuara në fundjavën e shkuar në futbollin shqiptar.
Në vendimet e publikuara bie në sy përjashtimi i përhershëm nga çdo aktivitet futbollistik për futbollistin e Shënkollit, Riven Danaj. Ky i fundit dënohet për dhunën ndaj zyrtarit të ndeshjes dhe për shkelje disiplinore të përsëritur gjatë periudhës së provës.
Ndërkohë Disiplina ka paralajmëruar klubin e Kastriotit se në rast përsëritje të akteve të dhunës do të merren masa ndëshkimore që parashikon Kodi i Disiplinës Sportive dhe rregulloret e FSHF-së.
Vendimet e plota:
1.KF “Luftëtari”, për sjellje të gabuar të spektatorëve, në bazë të Nenit 66/1 të KDS, dënohet me gjobë në masën 100.000 (njëqindmijë) Lekë .
2.Lojtari i KF “Luftëtari”, Albano Aleksi, për sjellje jo sportive ndaj zyrtarit të ndeshjes, në bazë të Nenit 49/1/a të KDS, dënohet me 4 (katër) ndeshje pezullim nga aktiviteti.
3.KF “Skëndërbeu”, për sjellje të gabuar të spektatorëve, në bazë të Nenit 66/1 të KDS, dënohet me gjobë në masën 100.000 (njëqindmijë) Lekë.
4.KF “Tirana”, për sjellje të gabuar të spektatorëve , në bazë të Nenit 66/1 të KDS, për shkak të përseritjes së shkejes, dënohet me gjobë në masën 400.000 (katërqindmijë) Lekë.
5.FK “Partizani”, për dështim në përmbushjen e përgjegjësive për organizimin e ndeshjes kundër “Flamurtari” FC duke mos garantuar sigurinë e zyrtarit të ekipit kundërshtar, në bazë të Nenit 64/b)/c)/e); 65/1 dhe 65/2 të KDS, dënohet me zhvillimin e 2 (dy) ndeshjeve pa spektatorë në stadiumin përkatës si dhe gjobë në masën 200.000 (dyqindmijë) Lekë.
6.KS “Kastrioti”, në bazë të Nenit 13 të KDS, paralajmerohet se në rast përsëritje të shkeljeve disipinore, do të jetë subjekt i ndëshkimeve qe parashikon Kodi i Disiplinës Sportive dhe rregulloret e tjera të FSHF.
7.Zyrtari i KF “Shënkolli”, Armando Loka, për sulm ndaj zyrtarit të ndeshjes, në bazë të Nenit 49/2/b) të KDS, dënohet me 18 (tetëmbëedhjetë) muaj pezullim nga çdo aktivitet futbollistik.
8.Lojtari i KF “Shënkolli” , Rinev Danaj, për dhunë ndaj zyrtarit të ndeshjes dhe për shkelje displinore të përseritur gjatë periurdhës së provës, në bazë të nenit 49/2/b) të KDS, dënohet me përjashtim të përherëshëm nga çdo aktivitet futbollistik.
9.Pranimin e kërkesës së lojtarit të KF “Partizani” U-19, Joan Cela dhe pezullimin e pjesës së mbetur të dënimit. Në bazë të Nenit 33/4 të KDS, lojtari Joan Cela vendoset në provë për një periudhë 6 mujore.
/g.kosovari
