DIMRI ASHPER/ Tregtarët abuzojnë me çmimin e gazit

Të mbushësh një bombël gazi, në kryeqytet, është një sfidë tjetër e shtuar për banorët. Urdhri i Ministrisë së Financave për ndalimin e pikave të karburantit që të mbushin bombolat e gazit të lëngshëm për përdorim familjar duket se i ka shtuar vështirësitë. Nga një vëzhgim i Report Tv, është e vështirë të gjesh vendndodhjet e pikave të tregtimit, si edhe sheh qartë që një sërë karburantesh, edhe pse e ndaluar vazhdojnë të bëjnë rimbushje të bomblave. Kjo vihet re qartë nga regjistimet audio, në disa prej pikave të karburantit në kryeqytet.

A mbush bombola gazi? “Jo bombola jo, s’na lejojnë”

“Të them për anën time unë i mbush te stacioni i Trenit, aty mbushet edhe në 7 të mëngjesit, edhe në 7 të darkës. Kurse ne na e kanë ndaluar, se na kanë vënë gjobë”

“Jo nuk mbushim. Nuk na e lejojnë. Vetëm të shkosh te Unaza e Re, aty ku është pika vetë”, shprehen disa nga punonjèsit e disa karburanteve.

Qytetarët nga ana e tyre shprehen se nuk është e lehtë të gjesh një pikë tregtimi të gazit të lengshëm, në një kohë që kompani të ndryshme ofrojnë edhe shërbimin e trasnportit të gazit në shtëpi.

“Me anë të atyre, i thërrasim në telefon dhe vijnë na e mbushim dhe na i instalojmë. Nuk i përdorim vetë fare”

“Shkojmë e i mbushim vetë në autostradë në një pikë që bëhet vite afër Vorë”

“Është pak e vështirë po ne e mbushim në një benzinatë”, shprehen disa qytetarë.

Një tjetër shqetësim është edhe abuzimi me çmimin e gazit. Në të gjithë kryeqytetin, nuk gjenden 2 pika tregtimi të gazit të lëngshëm që të kenë të njëjtin çmim.

ma.me