Opozita është larguar nga Komisioni i Reformës Zgjedhore pas debateve mbi votimin dhe numërimin elektronik të votave në zgjedhjet e 18 qershorit. Deputeti i Partisë Demokratike, Gent Strazimiri akuzoi qeverinë se nuk e donte votimin elektronik, që garanton mos vjedhjen e votës.
“Nuk mund të votosh sot si është më mirë votimi elektronik nëse ka apo s’ka nevojë për të bërë ndryshime në kodin zgjedhor. Nuk mund mund të japim një përgjigje pa qenë të qartë se çfarë hapash do ndiqen për numërimin dhe votimin elektronik. Pasi të arrijmë në një konklion, shohim nëse ka nevojë për ndryshime në kodin zgjedhor. Dhe kjo duhet bërë sot. Për mua, qeveria nuk e do votimin elektronik. Pastaj shihen a duhen ndryshime në kodin zgjedhor,” tha Strazimiri.
Ndërsa bashkëkryetari i komisionit, Taulant Balla, tha se përpara se të merret një vendim i tillë duhet të kërkohet opinioni i OSBE-ODIHR për këtë çështje.
“Arsyeja pse unë e Vasili kërkuam OSBE është se jemi mbledhur për të kërkuar ndihmën e tyre. Duhet të kemi një opinion të tyre. Secila nga palët do ketë ekspertë të IT-së, s’kemi nevojë të marrim të tjerë. Të fillojmë hulumtimin për këtë çështje,” tha Balla.
Po ashtu Balla u kundërshtua nga Oerd Bylykbashi, sipas të cilit mendimi i OSBE-ODIHR duhej marrë për mënyrën se si bëhej më mirë votimi e numërimi elektronik dhe jo nëse bëhet apo jo
“Ajo që do i kërkojmë është si bëhet më mirë, jo a bëhet apo jo sepse bëhet në të gjitha vendet e botës. Nuk ka problem për zgjidhjen teknike, që garanton që vota nuk vidhet. Si bëhet, këtu duhet të na ndihmojë OSBE-ODIHR,” tha ai.
ma.me
