Analisti Neritan Sejamini ka debatuar me deputetin e Partisë Demokratike, Oerd Bylykbashi, lidhur me qasjen që ka partia e Berishës pas humbjes së thellë të zgjedhjeve.
I ftuar në emisionin “Të Paekspozuarit” në MCN TV, Sejamini deklaroi se në PD nuk ka reflektim dhe analizë për humbjen dhe nuk ka mbajtur askush përgjegjësi, ndërkohë që daljet e përditshme të drejtuesve të partisë me video që paraqesin “prova” të manipulimit të zgjedhjeve, i konsideroi jo serioze dhe “qarje” që nuk prodhojnë asgjë në elektorat.
Nga ana tjetër, Bylykbashi kërkoi që fokusi të mbahet te manipulimi i zgjedhjeve, ndërkohë që ende nuk kanë një plan për reagimin që do të ketë partia pas humbjes.
Oerd Bylykbashi: Në 2001 Berisha i rrëzoi zgjedhjet. Kam parë ambasadorë të ngazëllejnë pas deklaratës së parë të KQZ. Por, kam parë se si në vitin 2001 u lejua qeveria të masakrojë zgjedhjet me polici, me kandidatë fallco, me Dushkun.
Neritan Sejamini: Tani ti po bën histori të zgjedhjeve? O Oerd, jemi dakord me ty, Edi Rama ka vjedhur dhe ka bërë kërdinë. Çfarë do të bëni ju? I ka vjedhur Rama, tani vazhdojmë, ju çfarë do të bëni?
Neritan Sejamini: Jo jo, mos bëj histori!
Neritan Sejamini: Jemi lodhur me histori.
Neritan Sejamini: Kjo histori është e përsëritur. Këto ne i kemi dëgjuar edhe nga Lulzim Basha. Ne qytetarët, dëgjojmë çfarë thoni ju dhe na duken njësoj. Ju duhet të reagoni politikisht që të na ndikoni ne, të themi se jeni ndryshe dhe reagoni ndryshe.
Ti thua, kam punët e mia dhe nuk ka lidhje me ju. Partia politike ekziston për të ndryshuar mendjet dhe zemrat e njerëzve, për t’i kthyer në vota. Nuk më thua dot mua, qepe se kemi ne ca punë tani.
Çfarë masash dhe përgjegjësish keni marrë ju deri tani? Ky është muhabet…
Oerd Bylykbashi: Nëse ne nuk e bëjmë këtë tani, askush nuk merret më me këtë problem./m.j
