Kreu i Aleancës Kuq e Zi Kreshnik Spahiu, qartazi e ka pozicionuar forcën e tij në rresht me partitë e tjera të koalicionit opozitar me në krye Partinë Demokratike. Ai njihet si një zë mjaft kritik dhe nuk i kursen akuzat në drejtim të kryeministrit Rama dhe qeverisë së tij.
Spaiu ishte zë kritik edh e me qeverinë Berisha, të cilin e quante kriminel dhe kërkonte burgosjen e tij. Por, sot gjërat kanë ndryshuar. Spahiu e quan Berishën si lokomotivën e Partisë Demokratike që do çojë këtë kamp politik drejt fitores së bashku me aleatët.
“Unë do të thoja që Sali Berisha është zëri më i fortë i Partisë Demokratike, por i lënë vetëm nga ish-ministrat e tij, dhe një pjesë e nivelit të dobët parlamentar të deputetëve të tjerë. Berisha është zëri më i fuqishëm dhe më i domosdoshëm i demokratëve dhe do të thoja që një PD pa Sali Berishën nuk do të konceptohej sot. Dhe vlerësimi im për Berishën lidhet me mbështetjen që ai i jep PD-së, dhe lokomotivën që ai përdor. Por kjo nuk do të thotë në konceptin e raporteve që kemi ne me PD-në. Unë nuk do e konceptoja dot sot një grup parlamentar apo një PD pa Sali Berishën”, thotë Spahiu në një intervistë për “Koha Jonë”.
Në lidhje me koalicionet, ai deklaron se Levizja Socilaiste për Integrim do të bashkohet mer opozitën kundër Ramës. Sipas Spahiut, meta do të shtyhet nga qeveria e re amerikane e drejtuar nga Trump.
“Besoj se pas ceremonisë së inaugurimit të Presidentit të ri të SHBA-së në Uashington, pas ndryshimit të trupit diplomatik, pas vënies në jetë të politikave të jashtme të Shteteve të Bashkuara dhe pas një ripozicionimi të BE-së në raport me Shqipërinë, do të ketë një konfigurim të ri të maxhorancës, ku unë mendoj se LSI-ja dhe Ilir Meta nuk do të jenë pjesë e kësaj qeverie, por do të jenë pjesë e opozitës në zgjedhjet e ardhshme.Unë kam një qëndrim për këtë çështje: ku LSI-ja duhet ti bashkohet opozitës së bashkuar kundrejt një fronti anti- Rama për ta izoluar Edi Ramën, dhe duke i bashkuar të gjitha energjitë me Partinë Demokratike dhe LSI-në, si mënyra e vetme për të pasur një fitore të suksesshme në zgjedhjet e 18 qershorit. Unë mendoj se nëse LSI-ja do të ndahet nga amoraliteti i qeverisjes “Rama”, nëse LSI-ja do të bëhet denoncuese ashtu siç ministri Ylli Manjani deklaroi se kjo qeveri nuk ka ardhur në pushtet me Shpëtim Idrizin, por me Ben Blushin, do të thoja që të gjithë faktorët opozitarë duke filluar nga Ben Blushi dhe Ilir Meta, nga Gjergj Bojaxhiu tek Vangjel Dule dhe sigurisht bashkë me AK-në që është e vetmja forcë e aksionit në terren, do të garantonin absolutisht një rrotacion politik shumë të fortë dhe një erë ndryshimesh. Dhe unë besoj, që në fund të fundit edhe vetë Partia Demokratike do të bëjë llogaritë e saj elektorale dhe do të jetë e hapur për këtë koalicion të gjerë”, vijon më tej ai./a.m.
