Nga Flogert Muça
“Ata që predikojnë paqe, nuk kanë paqe, ata që predikojnë paqe nuk kanë dashuri”, shkruan Bukovski.
E tillë ishte edhe situate e nderë e krijuar sot në Parkun e Liqenit ku Partia Demokratike protestonte kundër fëmijëve. Duke predikuar dhunën vranë paqen, duke predikuar dhunën lënduan 3 gra dhe vajza police bashkiake.
Ishte nga ato skenat bajate që nuk manifestohej për ndonjë kauzë, por kundër fatit të tyre. Në fakt PD-së sot nuk i vihet politikisht faj, as Bashës, as deputetëve të tij që deri dje ishin qarramanë se gjuheshin me shuplaka, e sot janë gangsterë me revole në brez. Protestohet për një arsye shumë te thjeshtë: Basha 4 vjet në krye të bashkisë Tiranë nuk bëri dot asnjë vepër që të mbahej mend, nuk mundi të krijojë model qeverisës me të cilin do të mund t’ju prezantohej shqiptarëve. Këtë nga ana tjetër po e bën Veliaj i cili e ka marrë me vrull që nga pastrami i qytetit, shtimi i tregjeve, çerdheve, projekti i Bulevardit, Unaza e Madhe etj. Natyrisht ky është një lajm i keq për kreun e opozitës, i cili përgatitet të hyjë në garë për kryeministër dhe nga ana tjetër mundet nga kryebashkiaku i Tiranës.
Anipse Basha sot tentoi të bëjë opozitë, sërish dështoi. Jo vetëm sepse nuk kishte kauzë, por sepse kundërpërgjigja e shtetit ndaj protestës ka ndryshuar nga koha kur ai ishte ministër i Brendshëm. Sot ishte dita kur Gent Strazimiri duke e ditur se kohët kanë ndryshuar shkoi te Liqeni me revole në brez duke nxjerrë lakuriq opozitën e cila deri dje ishte ithtare e dekriminalizimit, siç me patos e emërtuan. Revolja e Strazimirit sot ishte treguesi tjetër se siç Basha 4 vjet në krye të bashkisë dremiti, sot dekriminalizimi “vdiq”.
Dekriminalizimi me revole në brez dhe me një ish ministër tjetër të Brendshëm (Flamur Noka) që godiste ata që dje i kishte vartës, pra policinë e shtetit, është fakt më domethënës së kjo opozitë është e frikësuar në palcë. Këtë e tregon edhe tërheqja nga tryeza e Reformës në Drejtësi, këtë e trgon edhe shterpësia dhe kakofonia e verprimeve të tyre.
I gjithë strumbulari i sotëm do të mbyllej me justifikimet e eksponentëve të djathtë se “Strazimiri kishte çantë, jo pistoletë në brez”. E në fakt, kjo më kujton ngjarjen e tmerrshme të 21 janarit kur shteti vrau 4 qytetarë në mesa të Bulevardit, ndërkohë që Berisha-Basha thonin “Qytetarët u vranë nga çadrat pistoletë e thikat me helm”
Edhe sot thonë po të njëjtën gjë, veçse invers. Sonte thonë “Nuk ishte pistoletë, ishte çantë”, ndërkohë q֝ë në 21 janar 2011 sipas tyre “ishte pistoletë, jo çadër”.
lexo.al
