Analisti Ermir Gjinishi, ka komentuar operacionin e SHBA-ve në Venezuel, ku u kap Presidenti i vendit, Maduro dhe bashkëshortja e tij, të cilët tashmë përballen me akuza për narko-terrorizëm në një gjykatë të New Yorku-ut.
Gjinishi, i ftuar në emisionin “Të Paekspozuarit” në MCN TV, deklaroi se SHBA e ka bërë diferencën me fuqitë e tjera, për shkak të raportit mes fuqisë dhe të drejtës, por ngjarje me Maduron tregon se tashmë po shkojmë drejt ligjit të xhunglës.
“Nuk e diskutojmë që SHBA janë superfuqi, bëjnë operacione ushtarake perfekte. Çështja nuk është as te personaliteti i Maduros, që ka vjedhur zgjedhjet dhe ka vrarë 20 mijë vetë. Por nga korriku deri tani, SHBA ka ndryshuar qasje ndaj Venezuelës. Ka ndodhur edhe në kohën e Chavez, që i akuzoi se mbështetën grusht shteti, ai dëboi kompanitë amerikane. A është çështja e një diktatori dhe narko shteti?
Qëndrojmë te pjesë, si ndodh dhe çfarë raporti duhet të ketë fuqia me të drejtën. SHBA nuk janë e vetmja fuqi. Mund ta bëjë Kina me Taivanin, Putini me Zelensky-n. SHBA ka bërë diferencën si superfuqi, ishte raporti i fuqisë me të drejtën. Që nga korriku deri tani administrate Trump është kritikuar edhe për operacione të tjera, sulmet kundër barkave, konfiskime të cisternave të naftës. Akuza, përtej faktit që Maduro është diktator, nuk është i vetmi diktator në botë. Vetëm 5% e drogës trafikohet nga Venezuela. Po është diktator, por ka diktatorë sa të duash.
U tha që ka një mandat arresti, por Presidenti i një shteti nuk është si bin Laden, sepse ka imunitet. Çështja është, nga njëra anë konteston diktatorët dhe pret Putinin me tapet të kuq, nga ana tjetër flet për një mandat arrest për njerëz që prekin sigurinë kombëtare të vendit tënd, por nuk respekton mandatin e arrestit të Netanyahut. Nese flasim vetëm për fuqi, kthehemi te ligji i xhunglës.
Shtetet anëtarë te OKB janë të ndaluar të prekin dhe kërcënojnë integritetin e vendeve anëtare. Mëyra si u realizua, jo për të nxjerrë SHBA armikun, vend që po ndryshon diktaturat. Çfarë do të bëhet nesër me këto vende? Ndërhyrja ne Afganistan nuk prodhoi demokraci. Mund të vijnë ditë më të vështira se Maduro. Nuk ka asnjë plan se çfarë do të bëhet me Venezuelën”, tha Gjinishi.
