Makina e një biznesmeni në Durrës është djegur gjatë natës. Ngjarja ka ndodhur në lagjen numër 1 të qytetit bregdetar, ndërkohë që automjeti ka qenë i parkuar pranë banesës së biznesmenit.
Sipas të dhënave të para mësohet se makina është e biznesmenit Spiro Paço. Ai eshte bashkëshorti i Drejtores së Drejtorisë Rajonale të Sigurimit Shëndetësor në qytet.
Policia ka mbërritur në vendngjarje dhe po heton për përcaktimin e shkaqeve të djegies së mjetit dhe nga hetimet e para dyshohet se zjarri ka qenë i qëllimshëm.
c.a
