Kthehej nga pushimet në Alpet franceze, kur autobusi me të cilin udhëtonte u përplas dhe mori flakë. Dhjetëra pasagjerë mbetën të plagosur rëndë, mes tyre Catrin Pugh, një vajzë nga Uellsi e cila pësoi djegie në 96% të trupit.
Për mjekët shanset që ajo të mbijetonte prej aksidentit ishin thuajse zero, por ajo i befasoi të gjithë dhe ia doli. 
Catrin është vetëm 22 vjeçe, ndërsa ka pësuar dëmtime të përhershme në trupin e saj. Për tre muaj qëndroi në koma dhe u është nënshtruar mbi 200 ndërhyrjeve kirurgjikale, raporton “The Sun”. Tashmë ajo është shumë më mirë, por duhet t’u nënshtrohet proceseve të rehabilitimit për të kaluar traumat dhe stresin që përjeton.
Ajo ka ende plagë të ngelura nga ngjarja e ndodhur kur ajo ishte vetëm 19 vjeçe, shkruan noa.al. Tashmë kur kanë kaluar tre vjet, ajo është dëmshpërblyer me 1 milionë euro nga kompania që mundësonte transportin, shumë e cila mund ta ndihmojë të rimëkëmbet.
“Asgjë nuk mund ta kompensojë atë që ka kaluar, por ky dëmshpërblim mund të mbulojë mjekimet për të cilat ajo ka nevojë dhe t’i thjeshtojë gjërat në të ardhmen”, tha avokati i saj./a.k
