Një tiroide joaktive, kur gjëndra nuk arrin të prodhojë hormon të mjaftueshëm tiroide, (TH) mund të sjellë shtim në peshë, ngadalësi, depresion dhe ndjeshmëri në rritje ndaj të ftohtit. Një tiroide tepër aktive, nga ana tjetër, ndodh kur trupi juaj prodhon shumë TH dhe mund të shkaktojë humbje të papritur të peshës, rrahje të parregullt të zemrës, djersitje, nervozizëm.
Gjenetika, gjendja autoimune, stresi dhe toksinat mjedisore janë disa nga faktorët e riskut që nuk mund t’i kontrolloni. Pjesë e listës është edhe regjimi ushqimor. Këtë të fundit, ndryshe nga të parat, mund ta menaxhoni në favorin tuaj. Më poshtë është një listë me ushqimet që duhet dhe ato që nuk duhet të konsumoni.
Kosi/ Mungesa e jodit mund të kompensohet në disa mënyra. Në veçanti, produktet e qumështit janë plot me këtë lëndë ushqyese (dhe në sasi më të menaxhueshme), sipas një hulumtimi të viteve të fundit publikuar në revistën “Nutrition Reviews”. Kosi i thjeshtë, kosi i yndyrshëm është një burim i mirë, pasi mund të përbëjë rreth 50% të konsumit jodik.
Arrat/ Arrat janë të mbushura me një lëndë ushqyese që ndihmon në rregullimin e hormoneve tiroide: selen. Në një hulumtim nga studiuesit në Francë, gratë që konsumonin sasi më të larta të selenit kishin më pak gjasa të zhvillonin dëmtimin e indit të tiroides se sa ata që nuk e kishin. Plus, mund të ndihmojë gjithashtu të shmangni dëmtimin afatgjatë të tiroides te njerëzit me probleme të lindura me tiroiden.
Qumështi/ Sipas një studimi të vitit 2008 nga studiuesit e Food and Drug Administration, pjesa më e madhe e jodit në dietën mesatare amerikane vjen nga produktet e qumështit. Por konsumi ynë i qumështit ka ardhur në rënie vit pas viti. Midis viteve 1970 dhe 2012 ka pasur një rënie të ndjeshme, thonë studiuesit. Duke pirë 1 filxhan qumësht me yndyrë të ulët, ju do të konsumoni rreth një të tretën e nevojave tuaja të përditshme të jodit. Një tjetër ide e mirë: konsumoni produkte me vitaminë D. Një studim i vitit 2013 zbuloi se njerëzit me një tiroide joaktive (hipotiroidizimi) kishin më shumë gjasa të kishin mangësi në këtë vitaminë në raport me pjesën tjetër që ishin të shëndetshëm.
Peshku/ Meqë jodi gjendet në tokë dhe në ujin e detit, peshqit janë një burim tjetër i mirë i këtij ushqyesi.
Vezët/ Një vezë e madhe përmban rreth 16% të jodit dhe 20% të selenit që ju nevojitet për ditën, duke i bërë ata një superfood për gjëndrën tiroide.
Nuk duhet të konsumoni
Nëse jeni të shqetësuar për shëndetin e gjëndrës tiroide, duhet të dini se cilat ushqime mund të ndikojnë negativisht në të. Për funksionimin e shëndoshë të tiroides dhe rrjedhimisht një metabolizëm efikas, përpiquni t’i mbani këto ushqime jashtë dietës suaj.
Gluten/ Shumica e problemeve të tiroides shkaktohen nga sëmundje autoimune. Kjo do të thotë se sistemi imunitar prodhon antitrupa që shkaktojnë keqfunksionimin e gjëndrës tiroide. Gluteni është një shkaktar i fortë i sëmundjeve autoimune në njerëzit gjenetikisht të prekshëm. Gluteni shkakton shumë inflamacion në trup dhe në disa njerëz mund të ndikojë që sistemi imunitar të prodhojë antitrupa, të cilët sulmojnë organet ose indet tuaja. Heqja e glutenit nga dieta juaj duhet të ndihmojë në përmirësimin e shëndetit të gjëndrës tiroide dhe gjithashtu mund të ndihmojë në reduktimin e rrezikut për të zhvilluar një tjetër sëmundje autoimune. Gluteni gjendet në grurë, thekër, elb dhe disa ushqime të përpunuara.
Sheqer/ Ju tashmë e dini se sheqeri është i dëmshëm për ju, tani e dini që është i dëmshëm edhe për gjëndrën tiroide. Kjo është për shkak të efekteve shkatërruese që sheqeri ka në sistemin tuaj imunitar.
Vajra industrialë/ Kjo i referohet vajit vegjetal, si vaji i misrit apo lulediellit. Këto vajra janë të gjitha shumë të larta në yndyra. Trupi juaj kërkon disa yndyrë polyunsaturated, por problemi me ato vajra të përmendura është që yndyrat delikate janë dëmtuar. Procesi i nxjerrjes bën që yndyrat e polyunsaturuara të dëmtohen dhe oksidohen. Nëse pastaj gatuani me ato vajra, ato dëmtohen edhe më tej. Yndyrat e dëmtuara krijojnë inflamacion në trupin tuaj. Yndyra të shëndetshme që mund të përfshihen në dietën tuaj janë vaji i ullirit dhe vaji i avokados.
