Aktori i njohur Leorando DiCaprio thotë se ka bërë gjithçka që ka mundur që të fitojë një çmim Oscar. 41-vjeçari, që disa herë kishte dështuar të merrte çmim në këtë ceremoni, sivjet është i nominuar në kategorinë e Aktorit më të mirë me filmin “The Revenant” që ka gjithsej 12 nominime. Pak javë pasi fitoi “Golden Globen”, aktori ka thënë se çmimi Oscar do të ishte “qershia mbi tortë” pas dështimit në pesë herët e kaluara.
“Ju punoni sepse e doni punën e filmave dhe ju doni të shikoni të kaluarën dhe të keni filma për të cilët jeni krenarë. Kur jeni në incizime duhet të jepni gjithçka që mundeni teksa jeni brenda, por sigurisht kjo duhet të njihet nga të tjerët dhe të gjitha tjerat që ndodhin janë si qershi mbi tortë”, ka thënë ai për “ThisMorning”.
