Një person është arrestuar në flagrancë pasi është konfliktuar me Prokurorin në Dibër.
Poashtu është proceduar penalisht në gjendje të lirë edhe vëllai i tij, i cili është punonjës i sigurisë në Gjykatën e Dibrës. Konflikti ka ndodhur në parkingun e Prokurori-Gjykatës, ku kishte parkuar Prokurori duke i bllokuar rrugën shtetasit të arrestuar. Ky shtetas është konfliktuar verbalisht dhe fizikisht me Prokurorin, i cili për fat të mirë nuk ka dëmtime fizike, por më pas në konflikt është përfshirë edhe vëllai i të arrrestuarit që punon në Gjykatë.
Njoftimi i Policisë:
Nga Specialistët për Krimet në Komisariatin e Policisë Dibër u bë arrestimi në flagrancë, për veprat penale “Goditje për shkak të detyrës“ dhe “ Kundërshtim dhe goditja e Prokurorit dhe Gjykatesit“, të parashikuara nga nenet 316 dhe 237 te Kodit Penal, i shtetasit:
Arben Zeqja, 53 vjeç, lindur dhe banues në Peshkopi- Dibër.
Si dhe filloi procedimi penal në gjendje të lirë për shtetasin:
T. Z, 56 vjeç, lindur dhe banues në Peshkopi –Dibër, me detyrë punonjës i sigurisë në Gjykatën e rrethit gjyqesor Diber, për veprat penale të “Shpërdorimit të detyrës “ dhe “Goditjes për shkak të detyrës“, të parashikuara nga neni 248 dhe 237 të Kodit Penal , pasi :
Keta shtetas në bashkëpunim me njëri -tjetrin për shkak të një konflikti të çastit janë konfliktuar me Prokurorin pranë Prokurorisë së rrethit Gjyqësor Dibër, shtetasin T.D, në sheshin e parkingut të automjeteve të Gjykatës së rrethit Dibër.
Materialet i kaluan Prokurorisë së rrethit Gjyqësor Dibër për veprime të mëtejshme.
(java / r.a)
