Ministri i Diasporës shqiptare të Kosovës, Valon Murati, ka thënë për “Epoka e re” se prej se ka ardhur në krye të kësaj ministrie është duke punuar maksimalisht për t’i lehtësuar ankesat që mund t’i ketë diaspora shqiptare. Ai premton se deri më 2017 do ketë një numër të diasporës jashtë vendit.
Ai ka bërë me dije se bizneset nga diaspora kanë vullnet dhe dëshirë për të investuar në Kosovë, mirëpo problem po del të jetë mungesa e sigurisë së investimeve. “Kjo vjen si pasojë e mosfunksionimit dhe mungesës së besimit në sistemin gjyqësor të Kosovës”, ka thënë Murati.
Ai ka treguar se janë në rrugë të mbarë për krijimin e një klime të shëndoshë partneriteti midis institucioneve të vendit dhe bizneseve të diasporës.
