Diamanti më i madh i kaltër që ndonjëherë ka dalë në ndonjë ankand pritet të shkëlqejë në mesin e shitjeve të stolive tjera të çmuara në Gjenevë muajin e ardhshëm ku pritet të arrijë çmimin prej 45 milionë dollarësh, sipas shtëpisë së ankandeve “Christie’s”.
Diamanti drejtkëndor “Oppenheimer Blue”, 14.62 karatësh, do të zë vend në ankandin e 18 majit “Magnificent Jewels” ku do të paraqiten më shumë se 280 artikuj, nga artikuj të shekullit të 19-të e deri tek dizajnet bashkëkohore, citohet Express.
“Ka shumë gjasa që të arrijë rekord botëror të çmimit”, ka thënë për Reuters David Warren, shef i departamentit të stolive të çmuara në “Christie’s”.
Vitin e kaluar, një diamant tjetër i rrallë i përsosur “Blue Moon Diamond” u shit për 48.4 milionë dollarë.
