Kryeministri Edi Rama nga Troshani i Lezhës në një bashkëbisedim me fermerët e zonës foli mbi shumë problematika që përballet fshati i sotëm. Kreu i qeverisë theksoi se fshati ka nevojë për investime në infrastrukturë ndërsa dëgjoi dhe hallet e banorëve.
Banori: Të gjithë këtu jemi katundarë të Zadrimës
Rama: Katunarë jemi të gjithë
Banori: Kërkojmë të na heqësh varfërinë
Rama: Të kuptoj. Duhen investime për hapjen e kanaleve kulluese, lehtësi për fermerët. Në fakt që në momentin që prodhon dicka dhe e shet, quhet biznes. Sa është për të mbajt frymën gjallë dhe sa është për të bërë ekonomi këtu fillon diskutimi. Mos e ngatërro kohën e Enverit me tani, ke qenë kuadër po tani s’je. Atëherë secili kishte pjesën e punës dhe gjthçka vinte nga shteti, por sot nuk është kështu
Fshatar apo katundar të varfër në Europë nuk ka, nëse ka tokë, sepse janë prodhuesit e bukës së gjithë botës. Për të dalë nga varfëria nuk imagjinohet që të ndodhë vetëm me çfarë bën shteti.
Banori: Ne vazhdojmë të përmbytemi z kryeministër
Rama: Përmbytje ka pasur në fushë edhe në kohën e Enverit, por nuk e thoje ti
Banor: Ky fshat ka qenë i zhvilluar. Jemi vendi i At Gjergj Fishtës, Dom Ernest Troshanin, ka fjalë por nuk po bëhet asnjë gjë konkrete. Vec një ujësjellës është bërë. Kryeministër duhet të bëhet ndonjë investim, pasi hallet që kemi ne i kanë të jgithë fshatrat.
Rama: Psh, ç’investim?
Qytetari: Troshani prodhon ullinj e hardhi, të mbjellë shteti
Rama: Nëse pret që shtetit të mbjellë hardhi, kështu shteti nuk ka, ju duhet të mblidheni e të planifikoni mbjelljen e hardhive, bëni projektin e kërkoni para që shteti iua garanton. Duhet të krijoni sipërmarrje
Banori: ”Shteti në tokë e Zoti në qiell’
Rama: Ky është drejtimi e kjo është mbështetja. Nëse pret që shteti të vijë e të mbjellë hardhi e ullinj, kjo nuk ndodh
Banori: Rruga tjetër është kjo që jemi sot
Rama: Rruga tjetër është që bashkarisht t’i japim zgjidhje kësaj pune
Banori: Ka 20 e kusur vite që na kanë thënë se tokën e morët, prodhoni e dilni në treg, ka ardhur momenti që një qeveri të marrë përgjegjësitë e veta për kullim, vaditje etj. Të marrë përgjegjësi. Kjo na nxit që ne të fillojmë të punojmë. Nuk kemi mbështetje te drejtoritë e bujqësisë
Rama: Janë ngritur bërthamat e para të drejtorive të asistencës për këtë punë, për bërjen e projekteve dhe aplikimin. Drejtoritë e Bujqësisë kanë qenë inefiçente, shpërndanin në mënyrë korruptive subvencionet. Kemi filluar reformën në bujqësi. Ka filluar puna për ngritjen e sporteleve unike, paratë merren me dije në BE, kush di i merr, kush nuk di nuk i merr.
Në aspektin e dijes, fshati ka mbijetuar vetëm me eksperiencën e të vjetërve jo të rinjve.
Po nuk u vu themeli si duhet nuk bëjmë dot shtëpi me tre kate, këtu pa themel deshën me ndërtu gradacela.
Banor: Bujqësia është e vështirë dhe përfshirja e shtetit besoj se do japë rezultate
Rama: Po, por kjo varet nga ju. Faleminderit po shiu mendon të kthehet, mendoj ta lëme shiun vetëm, më mirë do bëhet.
ma.me
