Angel di Maria ka insistuar se nuk ka dashur të largohet nga Real Madridi.
Ylli i PSG-së, Angel di Maria ka thënë se nuk ka dashur të largohet nga Real Madridi për të kaluar në Premierligë te Manchester United. Ai tha se dëshira e tij ishte të qëndronte, por në fund marrëveshja u arrit dhe këto janë gjëra që ndodhin në futboll.
“Dëshira ime ishte që të qëndroja në Madrid. Unë vërtet nuk e di se çfarë ka ndodhur dhe kjo marrëveshje ishte bërë ndërmjet dy skuadrave. Këto gjëra ndodhin në futboll”, tha Di Maria gjatë një interviste për Marca.
Di Maria qëndroj vetëm një edicion në United, pasi gjatë kësaj vere për 63 milionë euro u transferua te kampioni i Francës, PSG.
