Dhunohet në Lezhë një punonjës i Prefekturës, i cili mësohet se shërben në sektorin e verifikimit të titujve të pronësisë.
Policia bën me dije se 41-vjeçari Andi Marku është dhunuar nga persona të paidentifikuar rreth orës 4 të mëngjesit.
Marku i cili është punonjës në Prefekturën e Qarkut Lezhë si dhe kreu i PS në njësinë Kolsh është dërguar në spitalin e Traumës në Tiranë dhe është jashtë rrezikut për jetën.
Pak muaj më parë 41-vjeçarit i është djegur makina të cilën e kishte parkuar para Perfekturës së qytetit.
“Më datë 01.09.2017, nga Seksioni për hetimin e krimeve në Komisariatin e Policisë Lezhë, u referuan materialet në Prokurorinë e Rrethit Gjyqësor Lezhë, dhe punohet për identifikimin dhe kapjen e autorëve të cilët më datë 31.08.2017, në Lezhë , për motive të dobëta, kanë goditur me sende të forta shtetasin A.M. 41 vjeç, banues në Lezhë, punonjës në Prefekturën e Qarkut Lezhë, i cili ndodhet në Spitalin e Traumës Tiranë, për ndihmë më të specializuar mjekësore, nën kujdesin e mjekëve, jashtë rrezikut për jetën.Vepra penale” Plagosje e rëndë me dashje” kryer në bashkepunim’parashikuar nga nenet 88 e 25 të Kodit Penal” thuhet në njoftimin për mediat.
