Policia e Shtetit ka dhënë informacion zyrtar në lidhje me arrestimin e njërit prej autorëve të dhunimit të biznesmenit libanez 5 ditë më parë. Sipas policisë, u arrestua 26-vjeçari Skënder Kraja, dhe janë shpallur në kërkim dy të tjerë.
Ja njoftimi i policisë:
Policia identifikon autorët e plagosjes së shtetasit Libanez.
Policia e Tiranës në bashkëpunim me Prokurorinë kanë bërë identifikimin e personave të dyshuar të përfshirë në goditjen me sende të forta ndaj shtetasit libanez F. M., ndodhur më datë 10.09.2016.
Më datë 14.09.2016, u bë arrestimi i shtetasit:
– Skender Kraja, 26 vjeç, banues në Durrës, i dënuar më parë.
Ky shtetas në bashkëpunim me dy shtetas të tjerë dyshohet se më datë 10.09.2016, në aksin rrugorë, Kashar – Rinas, pas një përplasje mjetesh, i cili ka degraduar në konflikt fizik, kanë goditur me sende të forta duke i shkaktuar dëmtime, shtetasit F. M., 55 vjeç, banues në Tiranë.
Gjatë kontrollit në banesë i’u gjet e sekuestrua 35 gr. lëndë e dyshuar narkotike e llojit Cannabiss Sattiva.
Gjithashtu janë referuar materialet në Prokurorinë e Rrethit Gjyqësor Tiranë dhe punohet për kapjen e shtetasve V. D., 32 vjeç, banues në Sukth, Durrës dhe L. M., 39 vjeç, banues në Sukth, Durrës.
Materialet proceduriale i’u kaluan Prokurorinë e Rrethit Gjyqësor Tiranë, për veprat penale “Plagosja e lehtë me dashje e kryer në bashkëpunim” dhe “Prodhimi dhe shitja e narkotikëve”, parashikuar nga Nenet 89-25 dhe 283 të Kodit Penal.
Punohet për kapjen e dy shtetaseve të tjerë të dyshuar si autorë të ngjarjes./a.m.
