Kaos në Kuvendin e Malit të Zi. Gazlotsjellës, kompjutera, karrige të thyera, dhunë e arrestime.
Kjo është situata e krijuar në seancën ku u miratua ligji për komunitetet fetare.
Sipas agjencisë INA, pjestarët e sigurimit të Kuvendit të Malit të Zi në orët e vona të natës nxorrën me dhunë nga salla deputetët e opozitës serbe të Frontit Demokratik (FD), pasi bllokuan votimin e Ligjit për Liritë Fetare. Ata më pas me furgonë policie janë dërguar në Qendrën e Sigurimit shtetëror në Podgoricë.
Ligji u miratua vetëm me votat e qeverisë, ndërsa brenda dhe jashtë parlamentit pati protesta të dhunshme.
Pas incidentit, 22 persona u arrestuan, 18 deputetë të partisë Fronti Demokratik dhe katër të tjerë.
Kjo forcë politike paraqiti më shumë se 100 ndryshime në projektligj, por ato u kundërshtuan nga koalicioni qeverisës.
Më herët gjatë ditës së djeshme, qindra përkrahës të opozitës pro-serbe dolën në rrugët e Podgoricës për të protestuar kundër projektligjit. /e.s/
