31 persona që morën pjesë në protestën e opozitës, mes tyre edhe kryeredaktori i ‘RD’ Bledi Kasmi pritet që të procedohen nga policia për incidentet ditën e shtunë në tubimin para Kryeministrisë dhe Ministrisë së Brendshme.
Policia e Shtetit e ndihmuar nga ekspertë të huaj po analizon të gjitha pamjet nga protesta për të filluar më pas procedimet. Nga të dhënat e para mësohet se numri i personave që do të akuzohen për kundërshtim dhe goditje të policëve është 31.
Mes tyre është edhe kryeredaktori i ‘RD’ Bledi Kasmi, pasi sipas të dhënave nga grupi hetimor nga analizimi i pamjeve rezulton se ka goditur dhe kundërshtuar policët. Gjatë protestës ai mbeti i lënduar, pasi goditi me kokë rrjetën me të cilën shtyu policët para Ministrisë së Brendshme.
Ditën e shtunë në krye të grupit të protestuesve të dhunshëm ishte edhe kryeredaktori i RD, Bledi Kasmi, i cili siç u pa dhe nga videot shtyn personalisht barrierën metalike drejt forcave të rendit, për të çarë atë.
Në këtë moment ai merr si kundërpërgjigje një goditje me shkop gome nga një efektiv i Forcave Speciale që ndërhyri për t’i sprapsur. Sipas videos një goditje tjetër ka marrë dhe një protestues i dytë. Pra, Bledi Kasmi nuk ishte në krye të protestës si gazetar, por si protestues aktiv.
ma.me
