Lidhur me aktet e dhunës nga PD-ja në seancën parlamentare të së hënës, ka reaguar edhe deputeti i PS, Erion Braçe. Ai ka kërkuar të merren masa, pasi përveç akteve të dhunës, deputetët e PD-së kanë hedhur edhe sende të forta drejt kryetares së Kuvendit, Elisa Spiropali.
Braçe ka kërkuar të merren masa pasi, sipas tij, kryeparlamentares i është rrezikuar jeta.
“Goditja e kryetares në atë farë mënyre i ka rrezikuar jetën. Është marrë jeta në mes të bulevardit, ashtu siç është marrë jeta e njerëzve që mendojnë ndryshe. Ata nuk llogariten fare. Të qëllosh me sende të atij lloji rrezikon jetën e njerëzve. Vënia në rrezik i jetës së njerëzve brenda sallës së Kuvendit është mesazhi më i poshtër. Dhuna është e papranueshme dhe duhet të marrë dënimin e merituar. Çfarë kuptimi ka të ndëshkohen ata jashtë salle dhe dhuna të mbizotërojë në këtë sallë?”, tha Braçe.
/a.r
O Brace, ju nuk jeni te zotet te mbroni veten lere pastaj te na mbroni ne qytetareve te zakonshem e vendin. Mjere ne qe jemi marre peng nga mungesa e nje alternative me dinjitoze. Cfare mallkimi te mbetesh ne meshiren e humorit te horrave te tipit Noka, Paloka, Nallbati, Bardhi e co!