Tentativa për të korruptuar punonjësin e policisë Rrugore i ka kushtuar lirinë një 53-vjeçari në Sarandë.
Burime zyrtare bëjnë me dije për BalkanWeb se Frederik Terziu, 53 vjeç, banues në fshatin Bradashesh të Elbasan pasi u kap duke drejtuar mjetin tip Nisan me targë YHH7625, pa rrip sigurimi, në vendin e quajtur Rrethrrotullimi i Kranesë, ka tentuar t’i japë 10 euro policit, me qëllim për të shpëtuar nga gjoba administrative.
Policia ka bërë arrestimin në flagrancë të Frederik Terziut për veprën penale “Korrupsioni aktiv i personave që ushtrojnë funksione publike”.
BW/d.i.
