Liz Truss ka dhënë dorëheqjen si kryeministre e Britanisë së Madhe pas vetëm 45 ditësh në detyrë.
Kryeministrja tha se pasardhësi i saj do të zgjidhet në një garë për udhëheqje konservatore, që do të përfundojë javën e ardhshme.
Deputetët konservatorë i kërkuan zonjës Truss të largohet nga detyra pasi qeveria e saj ishte përfshirë nga trazirat politike, pas heqjes së shumicës së politikave të saj ekonomike.
Zonja Truss u zgjodh nga anëtarësia konservatore në shtator, por ajo humbi autoritetin pas një sërë kthesash.
Në një fjalim në Downing Street, Truss tha se Partia Konservatore e kishte zgjedhur atë me një mandat për të ulur taksat dhe për të nxitur rritjen ekonomike, por duke pasur parasysh situatën, Truss tha: Unë e pranoj se nuk mund ta dorëzoj mandatin me të cilin u zgjodha nga Partia Konservatore.
Truss deklaroi se do të qëndrojë në post derisa një pasardhës të marrë zyrtarisht detyrën si udhëheqësi i partisë dhe të emërohet kryeministër nga Mbreti Charles III.
/e.d
