Gjatë orëve të para të mëngjesit policia u njofut a për vendosjen e një bidoni me fitil pranë një lokali në Tiranë. Fillimisht u raportua se bidoni kishte rërë por xhenierët zbuluan se kishte lëndë plasëse të përbërë nga amoniti. Dyshimet lidhen me konfliktin për pronësinë e lokalit. Pronari aktual e kishte marrë pasi pronarët e parë nuk i kishin shlyer një borxh 300 mijë euro, kjo sipas marrëveshjes së tyre. Ja detajet e policisë:
Më datë 26.10.2016, pas një telefonate në numrin e emergjencave 112, se në rrugën “Hamdi Shijaku”, në oborrin e lokal “My House”, ku njoftojnë që është konstatuar një shishe plastike me fitil në të.
Menjëherë në adresën e dhënë kanë shkuar Shërbimet e Komisariatit të Policisë Nr 3 të cilët kanë bërë të mundur vendosjen e perimetrit të sigurisë.
Ekspertët xhenier të Policisë së Shtetit kanë bërë të mundur çaktivizimin e lëndës së dyshuar plasëse.
Në cilësinë e provës materiale është sekuestruar një bidon plasik 0.5 litra, me mbushje të dyshuar Amonit si dhe një fitil zjarr përcjellës me gjstësi 10 cm.
Nga hetimet paraprake ka rezultuar se Bar kafe “My House”, është në pronësi të shtetasit M. D., pronë të cilën e ka fituar me vendim Gjykate, pasi ka qënë në pronësi të shtetasit K. C, i cili i ka marr hua, shumën prej 300.000 euro dhe nëse shtetasi K. C., nuk do ti kthente huan do ti jepte kete prone shtetasjt M. D.
Po punohet për identifikimin e autorëve të kësaj vepre kriminale./a.m.
