Juxhin Dautaj dhe Ervin Dalipaj lëviznin me eskortë. Burime nga grupi hetimor bëjnë me dije se dy viktimat i shoqëronin gjithmonë edhe makina të tjera.
Eskorta ishte e Juxhin Dautaj dhe e shoqëronte atë dhe Ervin Dalipaj gjatë gjithë kohës. Por ditën që ndodhi atentati pranë mbikalimit të Sukthit në Durrës, Dalipaj e Dautaj lëviznin pa eskortë.
Ende nuk dihen arsyet, por po merren në pyetje disa miq të Juxhin Dautaj të cilët e shoqëronin atë gjatë gjithë kohës. Pikërisht fakti që lëviznin pa eskortë, ka bërë që atentatorët të organizojnë vrasjen ditën e martë, duke qëlluar 32 herë në drejtim të makinës që lëviznin ish-shefi i krimit ekonomik dhe Juxhin Dautaj.
Ndërkohë dëshmia e dy vajzave nuk e ka ndihmuar grupin hetimor për të zbardhur detaje të reja për atentatin. Vajzat janë janë takuar me Dautaj dhe Dalipajn fillimisht pranë një karburanti dhe më pas në një servis.
Ato shprehen se kishin miqësi me viktimat dhe nuk kanë lidhje me ngjarjen. Policia po vëzhgon kamerat e sigurisë për të parë edhe makinën tip fuoristradë të zezë, ku qëndronin atentatorët.
Burimet saktësojnë se atentatorët kishin dijeni të saktë se Juxhin Dautaj dhe Ervin Dalipaj lëviznin pa eskortë dhe i kanë ndjekur ata që nga momenti kur dolën nga servisi. Mendohet se atentatorët kishin informacion dhe mund ti ketë ndihmuar edhe një makinë tjetër.
Juxhin Dautaj dhe Ervin Dalipaj humbën jetën vetëm pa sekonda pas atentatit, kjo edhe për shkak të plumbave të shumtë që derdhën ndaj tyre nga dy kallashnikov. Kjo dallohet edhe nga një foto të siguruar nga Report Tv vetëm pa sekonda pas atentatit.
Pamje të rënda, Ervin Dalipaj e Juxhin Dauti 50 sek pas vrasjes
Ky është imazhi në Audin S8, 50 sekonda pas atentatit që iu bë në Mbikalimin e Sukthit.
Në timon ndodhet Juxhin Dauti kurse pasagjer ka qenë Ervin Dalipaj. Sic e shihni dhe në foto, trupat e përgjakur ndodhen ende në makinën e shpuar nga plumbat.
Ekspertiza në vendgjarje dëshmoi se mbi Audi u qëllua me 32 plumba në afërsi të mbikalimit të Sukthit në rrugën dytësore Tiranë-Durrës nga një makinë ngjyrë e zezë pa targa.
c.a
