U trondit sot nga një ngjarje rëndë kriminale. Një 29-vjeçar u plagos me armë zjarri brenda një lokali prapa ish-ekspozitës. Shtetasi Andi Mustafaraj, u godit me 3 plumba duke mbetur i plagosur rëndë.
Ngjarja shkaktoi panik në një zonë mjaft të populluar. Ndërkohë disa orë më vonë poilcia zbardh të tjera detaje.
I plagosuri rezulton të jetë mik i Elton Çiçës, i vrarë në të njëjtën mënyrë në një lokal në ish-bllok disa muaj më parë. Dyshohet se të dyja ngjarjet janë të lidhura me njëra-tjetrën. Dyshohet se ngjarja lidhet me veprimtarinë e tyre kur Elton Çiça ishte gjallë.
Në lokalin ku ndodhi atentati i sotëm këta shtetas ishin parë shpesh në të shkuarën.
DEKLARATA E POLICISE
Më datë 28.10.2016, rreth orës 12:33 , në Sallën Operative te numri 112 ,fillimisht është marrë njoftim për një aksident me pasojë në rrugën “Nikolla Jorgo”.
Menjëherë kanë shkuar shërbimet e qarkullimit rrugor për të kryer veprimet e para hetimore por kanë konstatuar se te lokal “Merlin Monroe”, në verandën e lokalit dyshohej të ishte plagosur me armë zjarri një shtetas i identifikuar pak minuta me vonë si shtetasi A.M 29 vjeç banues Tiranë.
Shtetasi i dëmtuar ishte dërguar për mjekim te menjëhershëm në spitalin e Traumës Tiranë.
Nga informacionet e marra në rrugë operative dyshohet se shtetasi A.M, dyshohet të ketë qënë lidhje e shtetasit E. Ç vrarë më datë 01 Maj 2016 ,person me preçedent kriminal.
Gjatë kqyrjes së vendit të ngjarjes janë konstatuar tre gëzhoja dhe dy predha,të cilat u sekuestruan në cilësinë e provës materiale.
Shërbimet e Policisë dhe grupi hetimor po punon intensivisht për sqarimin e rrethanave te ngjarjes me qellim identifikimin dhe kapjen e autorit /autoreve./a.m.
Andi Mustafaraj, i plagosuri
