Detaje të reja kanë dalë pas arrestimit të mjekut Edvin Prifti. Një ndër provat e sekuestruara të SPAK gjatë hetimit janë edhe shënime në një bllok që mjeku prifti e mbante pasi aty ishin shkruar emrat e pacientëve dhe lekët që ata i kishin dhënë.
Gjithashtu mësohet se të tjera kallëzime kanë mbërritur nga qytetarët që denoncojnë se kanë dhënë para në këmbim të shërbimit.
SPAK po kryen hetime mbi origjinën e parave që iu gjetën Priftit në shtëpi dhe zyrë, teksa janë shtrirë edhe në gjetjen e personave që mund të kenë pasur lidhje me mjekun e që shërbenin si sekser për gjetjen e pacientëve dhe transferimin e tyre në privat.
Nga ana tjetër avokatët e mjekut Edvin Prifti kanë dorëzuar në Apelin e Gjykatës së Posaçme kërkesën për ndryshimin e masës së sigurisë ndaj tij. Avokatët kërkojnë masë më të butë se ajo e arrestit në burg, ndërsa burime nga SPAK thonë se po hetohen 3 denoncime të reja për mjekun.
g.kosovari
