Eri Zefi nuk e dinte se telefonata e një të panjohuri do e nxirrte në pritjen e gjakmarrjes, vetëm se vëllai i tij vrau 6 muaj më parë një person. 34-vjeçari ka qenë në shtëpinë e prindërve të tij, teksa i është telefonuar për të shkuar në vendin ku dhe kreu vrasjen.
Askush nuk thotë se përse i riu ka shkuar në atë zonë as të banuar dhe as destinacion për çdo lloj pune të mundshme. Por dyshimet thonë se viktima fillimisht është marrë me një makinë me pretendimin se ata duhet t’i mbyllnin hasmëritë mes dy familjeve përkundrejt një pagese të majme.
Ky mea duket ka qenë edhe momenti për të cilin viktima nuk ka rënë dakord. Të dhënat e Policisë thonë se Eri Zefi është vrarë, por duket se më parë ndaj tij është ushtruar dhunë, më pas e kanë hedhur në një kanal me mendimin se askush nuk do e gjente.
Por dy barinj të zonës kanë parë makinën dhe në rrugën e kthimit u ka bërë përshtypje një pellg me gjak, ndaj lajmëruan Policinë. Nga kërkimet kjo e fundit e gjeti Eri Zefin të hedhur në një kanal, pa këpucë në këmbë.
34-vjeçari u pikas nga banorët e zonës me trupin plot plumba dhe të mbuluar në gjak, të cilët njoftuan menjëherë policinë. Me të mbërritur në vendngjarje, uniformat blu kanë rrethuar zonën dhe vijojnë kërkimet për kapjen e autorëve të këtij krimi të rëndë. /l.m
