Zbardhen detaje të reja nga vdekja e Albert Taullaut në Lushnje, i cili u rrëzua nga kati i 3 i banesës së tij paraditen e sotme.
Burime të sigurta bëjnë me dije se 58-vjeçari është hedhur nga ballkoni i katit të tretë të vilës së tij. E pranishme në momentin e ngjarjes ka qenë edhe vajza e të ndjerit. Ndërsa brenda shtëpisë ka qenë bashkëshortja.
Sipas familjarëve, mësohet se 58-vjeçari Albert Taullau vuante nga depresioni prej disa muajsh dhe trajtohej me medikamente.
Albert Taullau është vëllai i Saimir Taullaut, biznesmenit nga Lushnja të cilit i është bërë atentat në Tetor 2018, dhe që mundi t’i shpëtonte.
Mësohet se në të njëjtën banesë ku sot u rrëzua dhe gjeti vdekjen Albert Taullau, në vitin 2019 ishte vendosur lëndë plasëse eksploziv.
Nga ngjarja në atë kohë nuk pati asnjë të lënduar për arsye se në banesë nuk kishte asnjë person.
/a.r
