Detaje të reja kanë dalë për operacionin e zhvilluar dje në Shkodër, Tiranë dhe Roterdam. Në operacionin ku u arrestua Safet Bajri, është arrestuar dhe Elvis Brajoviç. Brajoviç është vëllai i Erogen Brajoviç, i arrestuar pak ditë më parë gjatë aksionit të FNSH dhe RENEA në lagjet Dobraç dhe Kiras në Shkodër. Behar Bajri, është arrestuar në Shkodër, ndërsa Enver Bajri, dyshohet se është arrestuar në Roterdam. Dy të arrestuarit Behar dhe Enver Bajri, janë kushërinj të parë të Safet Bajrit.
Tre të arrestuarit akuzohen për gjobëvënie ndaj biznesmenëve. Ata janë arrestuar pas një operacioni që policia e Shtetit ka zhvilluar në vend. Operacionet në Shkodër vijnë pas një sërë ngjarjesh kriminale që kanë ndodhur në këtë qytet. Në vetëm 3 muaj, në Shkodër kanë ndodhur 6 vrasje, ku më e fundit ishte ajo e biznesmenit Arjan Ferracaku. 2 persona të tjerë janë raportuar si të zhdukur, ndërkohë që FNSH dhe RENEA arrestuan pak ditë më parë të tjerë persona të akuzuar si të përfshirë në këto ngjarje. /ma.me
