Pas dështimit në prokurimin e përgjithshëm që skadoi më 5 tetor 2017, Hekurudha shqiptare ka rihapur tenderin për rehabilitimit të linjës Tiranë-Durrës.
Projekti kap koston e 90.3 milionë eurove, të cilat do të financohen një pjesë në formë kredie nga Banka Europiane për Rindërtim dhe Zhvillim, ndërsa pjesa tjetër në formë granti nga Bashkimi Europian përmes kornizës së investimeve në Ballkanin Perëndimor.
Brenda këtij fondi do të kontraktohet si operatori për kryerjen e punimeve, ashtu edhe shërbimi i mbikëqyrjes së punimeve, raportom Scan.
Linja ekzistuese hekurudhore prej 34.17 kilometrash mes Tiranës dhe Durrësit do të rehabilitohet, ndërsa do të ndërtohet edhe lidhja mes saj dhe aeroportit “Nënë Tereza”.
Kjo linjë e re do të ketë një gjatësi prej 5 kilometrash.
Tenderi do të jetë i hapur për aplikime brenda datës 10 tetor 2018, periudhë 1-vjeçare brenda së cilës shpresojmë të kemi një kompani fituese./a.m.
