Katër ditë pas atentatit në Fier, që i moi jetën Nelgert Patës dhe solli plagosjen e shokut të tij, Ari Alinani që ishte në drejtim të aumjetit mbi të cilin u qëllua, një prej pronarëve të bizneseve aty pranë rrwfen se ka parë gjithçka. Jashtë kameras dëshmitari okular thotë për News24 se gjithçka ndodhi në pak sekonda
“Gjithçka ndodhi shumë shpejt. Unë isha brenda në biznesin tim, po merresha me rregullime dhe në ato momente dëgjova disa zhurma që ende nuk mund t’i përcaktoj se çfarë ishin, të shtëna kallashnikovi apo shashka që përdorin fëmijët. Më pas nuk pata guximin të dilja menjëherë jashtë dhe të shikoja se çfarë kishte ndodhur, por për një moment u fsheha brenda.Pasi kaluan disa sekonda hodha sytë jashtë, përballë, dhe pashë që mbi makinën që u qëllua, atje ku ishte viktima, po dilte tym.
Pas kësaj ai rrëfen se ka parë, 39-vjeçarin e plagosur teksa tentonte të largohej nga automjeti.
“Në ato momente vërejta që shoferi i mjetit po përpiqej të dilte prej tij, por pa arritur të hapte derën. Pas disa përpjekjesh të vazhdueshme, pashë se ai e hapi atë dhe u largua me shpejtësi drejt rrugës prej nga erdhi automjeti. Pashë që iku me vrap mbrapa makinës. Viktimën nuk e pashë fare në automjet, pasi në ato momente edhe unë nuk isha shumë i qetë, ndërsa kuptova se kishim të bënim me një vrasje, dhe menjëherë mendova të fshihesha.”, shtoi më tej.
Gjithçka ndodhi në pak sekonda thotë ai, dhe nuk ka parë asnjë prej autorëve të vrasjes të dilnin nga automjeti i tyre, apo t’i afroheshin nga afër viktimës.
“Nuk pashë asnjë person me armë në këmbë apo që t’i afrohej mjetit në të cilën ndodhej viktima. E gjithë ngjarja ka ndodhur shumë shpejt, brenda 10-15 sekondash. Nuk pashë asnjë person të vraponte me armë në dorë.”, theksoi ai.
Deri më tani për këtë ngjarje është arrestuar nga policia vetëm, 39-vjeçari Ari Halinani, për veprime që pengojnë zbulimin e së vërtetës. Në hotelin ku qëndronte nelgert pata është gjetur automjeti i tij i blinduar, brenda të cilit dyshohet se u gjetën dhe dy armë. Nuk dihet ende pse atë ditë pata nuk kishte zgjedhur të përdorte automjetin e blinduar, për t’i shpëtuar një atentati të paralajmëruar./BW/a.k
