Agjenti i policisë Jeton Lami i arrestuar si peroni që shoqëroi dhe ndihmoi Ervis Martinajt ka treguar marrëdhëniet e zyrtarëve të lartë të policisë së shtetit me këtë individ dhe ndihmën që i jepte kupola e policisë së shtetit Martinajt.
Gazetari Elton Qyno, tha në një intervistë për Euronews Albania tha se agjenti i policisë është dëshmitari kyç në zhdukjen e Elvis Martinajt, pasi është kontakti i fundit me të në zonën e Shijakut nga ku nuk ka pasur më asnjë gjurmë e tij.
Sipas Qynos, dëshmia e agjentit është thelbësore për të kuptuar fatin e të shumëkërkuarit, i cili siç tha kishte hasmëri nga Lezha në Vlorë, me njerëz që e gjurmonin dhe synonin ta ekzekutonin.
Agjenti Jeton Lami që ndihmoi Ervis Martinajn është thirrur në zyrë nga ish-drejtori i Policisë së Shtetit, Gledis Nano.
Sipas gazetarit, Lami ka qëndruar për 2 orë e gjysmë në zyrën e Nano ku ka dhënë një dëshmi sesi është njohur me Ervis Martinajn dhe kush ishin njerëzit që e ndihmonin atë.
“Ky individ ka qenë në verifikim nga vetë familjarët dhe është munduar që të tregojë diçka për fatin e Ervis Martinaj. Nuk ka folur as për familjarët dhe as për shtetin. E ka takuar Gledis Nano, fillimisht e ka mohuar. Pasi është njohur me pamjet filmime, që policia i sekuestroi tek hotel Adriatik, ai doli zbuluar. Është takuar me drejtorin në zyrën e tij.
Ai ka thirrur për ta pyetur se në çfarë forme ishte njohur me Martinajn, si e ndihmonte dhe kush ishin njerëzit që ndihmonin atë. Ka qëndruar 2 orë e gjysmë. Agjenti i ka dhënë një dëshmi. Nano ia ka thënë ministrin, ministri ia ka përcjellë dikujt tjetër dhe më pas ai është shkarkuar”, u shpreh Qyno.
g.kosovari
