Më shumë se dy vite më parë, Nikoll Lesi shkruante se një biznesmen i fuqishëm shqiptar, kishte organizuar një takim sekret mes Edi Ramës dhe Lulzim Bashës, në Vjenë.
Ai i është rikthyer sërish kësaj teme, duke u nisur nga fakti se Rama dhe Basha ndodhen bashkë në Bruksel, por me axhenda të ndryshme.
“Miliarderi shqiptar që i takoi bashkë Ramën me Bashën në Vjenë në një darkë pazari politik e personal, ka udhëtuar drejt Vjenës për në Bruksel.
Ai prapë ka rezervuar darkën tjetër në Bruksel nën masa të rrepta sigurie, ku do të darkojnë Edi Rama dhe Lulzim Basha”,shkruan Lesi në gazetën e tij.
“Të dy, Basha dhe Rama janë në Bruksel. Natyrisht që kryedemokrati do jetë i pari që do ta përgënjështroj takimin me kryeministrin në Bruksel, por më mirë të takohet hapur e në dritë të medias se sa skutave në restorante.
Eshtë normale takimi mes kryeministrit dhe kryetarit të një partie opozitare kryesore. Edhe kur u takuan parvjet në Vjenë, fshehurazi, Rama dhe Basha e mohuan. Dhe me pas shkuan te 17 maj i këtij viti, ku u takuan hapur, por biseduan fshehur për mbi tre orë, duke mos qenë transparentë me publikun.
Kësaj radhe shkuan në Bruksel, sejcili veçmas, për tu bashkuar për marrëveshje të re politike. U takuan për qeveri të re të përbashkët, për Prokurorin e ri të Përgjithshëm, për Kodin Zgjedhor, për biznesmenët VIP që ia përmend kryeministri në publik apo për të gjetur forma për ti shpëtuar reformës në drejtësi?”, vijon shkrimi.
Lesi me sa duket, ka vendosur ta tërbojë Doktorin me këto teoritë e konspiracionit të madh!
